Зоран Шапуриќ

img

Зоран Шапуриќ

Министер без ресор задолжен за регулатива за подобрување на инвестициската клима за домашните претпријатија

Биографија

Зоран Шапуриќ е роден во 1958 годинаво Ниш. Ги зборува  јазиците од регионот, англискиот и пасивно владее германски јазик.

Шапуриќ дипломирал на Правниот факултет, магистрирал и докторирал политичко-правни науки на Универзитетот „Св.Кирил и Методиј“. Има положено правосуден и нотарски испит, доцент е, вонреден и редовен професор на Универзитетот „Американ колеџ“ во Скопје.

Во досегашната кариера Шапуриќ бил министер за животна средина и просторно планирање, пратеник во Собранието на Република Македонија, претседател на собраниска комисија за политички систем и односи меѓу заедниците и член на други собраниски комисии, член на собраниска делегација во Собранието на Западно европска унија и НАТО.

Работел и во Уставниот суд на Македонија како виш стручен соработник, бил помошник генерален директор во МЗТ комерц и заменик на генералниот директор во ЈП „Паркови и зеленило Скопје“.

Имотна состојба

3.414 евра
95.934 евра
270.496 евра
Министерот Зоран Шапуриќ пријавил дека има два стана во Скопје вкупно вредни 78.021 евра и автомобил „Хјундаи 1.6“ вреден 1.463 евра. Со сопругата заедно поседуваат стан во Скопје од 17.886 евра.

Шапуриќ има 8 акции во висина од 5.350 евра, две штедни книшки со 4.000 евра, една платежна картичка со 4.000 евра, две трансакциони сметки 7.808 евра и 17 орочени девизни депозити со вкупен износ од 212.592 евра. За нив, Шапуриќ не навел основ на стекнување.

Месечната плата на Шапуриќ изнесува 992 евра. За разлика од него, неговата сопруга зема месечна плата од 553 евра. Таа поседува и автомобил „Сеат Ибица 1.4“ вреден 1.463 евра.

Вредноста на имотниот лист на Зоран Шапуриќ изнесува 369.843 евра и истата е пресметана според податоците објавени на веб-страната на Државната комисија за спречување на корупција. 

Зоран Шапуриќ во изјава за СКУП на 8.11.2018 година потврди дека тоа е неговата имотна листа и во истата нема промени.

css.php