Пратеникот Ферид Мухиќ е родена на 8 јуни 1943 година во Босна и Херцеговина. Мухиќ е професор по филозофија на Универзитетот Св. Кирил и Методиј во Скопје, каде и ја започнал својата академска кариера како асистент на Институтот за социолошки истражувања во Скопје во 1970 година. На Катедрата за филозофија започнал како асистент во 1974, а вонреден професор бил од 1976 до 1980 година. Редовен професор е од 1980 година. Тој е почесен професор на Меѓународниот институт за исламска мисла и цивилизација од Куала Лумпур, Државниот универзитет на Флорида, Универзитетот Сиракуза во Њујорк, Сорбона 8 во Париз, Универзитетот на Југоисточна Европа и неколку универзитети во Југоисточна Европа.

Активности во Собранието:

• Комисија за политички систем и односи меѓу заедниците, член;
• Постојана анкетна комисија за заштита на слободите и правата на граѓанинот, член;
• Комисија за култура, член;
• Комисија за образование, наука и спорт, член;
• Комисија за уставни прашања, заменик-член;
• Делегација на Собранието на Република Македонија во Парламентарното собрание на Франкофонијата (ПСФ), член;
• Пратеничка група на Собранието на Република Македонија за соработка со Парламентот на Босна и Херцеговина, член;
• Пратеничка група на Собранието на Република Македонија за соработка со Парламентот на Република Индонезија, член;
• Пратеничка група на Собранието на Република Македонија за соработка со парламентите на Република Малта и Република Кипар, член;
• Пратеничка група на Собранието на Република Македонија за соработка со Парламентот на Кралството Холандија, член.