Александар Наумоски е роден на 15 јуни, 1977 година во Скопје. Дипломирал на Правниот факултет при УКИМ, во Скопје, насока, Граѓанско право. Положил и правосуден и нотарски испит. Магистер е по Уставно право на Правниот факултет при УКИМ, во Скопје, Човекови права- извршување на пресудите на Европскиот суд за човекови права во Стразбур. Од октомври, 2002 година до јуни, 2003 година бил во Воено воздухопловство при АРМ, А-1 Персонален менаџмент, војник- правник. Како приправник во адвокатска канцеларија работел од декември, 2001 година до ноември 2004 година, од каде заминал во Централен регистар на РМ – Едношалтерски систем – и една година бил советник на генералниот директор за правни прашања. Од јануари 2006 година до април 2011 година работел во Министерство за правда на РМ, како соработник во Секторот за поддршка на Владиниот Агент, застапување на Република Македонија пред Европскиот суд за човекови права во Стразбур и извршување на одлуките на Европскиот суд под надзор на Комитетот на министри при Советот на Европа. Наумоски бил Секретар на повеќе работни групи за подготвување на закони и член на Комитетот за подобрување на постапките за заштита на човековите права при Советот на Европа (DH-PR) 2008. Во периодот, април 2011 – ноември 2013 година работел во „Еуролинк Осигурување“ АД Скопје. Од ноември, 2013 до декември 2016 година бил извршен директор во „Уготур“ АД Скопје, а од јануари 2017 година до август 2017 година приватен стопанственик -„ Метал тринаесет“ ДООЕЛ. Од Август 2017 година бил директор на КПУ Затвор– Скопје, а по локалните избори оваа година станал градоначалник на Општина Ѓорче Петров.

Податоците се преземени од Гласило – Зелс.