ЕКСПОЗИЦИЈА

Биографија

Борче Гиевски е роден 07 март, 1958 година, во село Таор, Општина Зелениково, каде што и сега живее. Има завршено Економски факултет. Во периодот од 1980 година до 1991 година работел во „ Пастор“-Заграб, претставништво во Скопје. Потоа во 1991 година основал сопствена фирма „Пастор – промет“ во која работeл до 2005 година и потоа повторно од 2009 година до 2017 година. Во слободното време се занимава со земјоделски работи, а омилено хоби му е ловот. Ктитор е на црквата „Св. Илија“ во село Таор, што ја гради со сопствени средства и со поддршка од жител на Таор, кој живее и работи во Австралија. Во периодот од 2001 до 2005 година бил член на Советот на општина Зелениково а, еден период и негов претседател. Градоначалник на Општина Зелениково за прв пат бил во мандатот 2005 -2009 година а, сега во 2017 година по втор пат ја добил довербата од граѓаните.

Податоците се преземени од Гласило – Зелс.

Имотна состојба

130.081 евро

121.951 евро

48.780 евра

24.390 евра

48.780 евра

Борче Гиевски поседува имот вреден 373.984 евра.
Сопственик е на недвижен имот вреден 170.737 евра во кој се вбројуваат деловен простор, земјиште, куќа, помошни објекти и спрат од куќа во Скопје. Подвижниот имот на Гиевски е во вредност од 130.083 евра, во којшто се пријавени моторни возила, машини и друга опрема (комбајн, трактор, приклучни машини за трактор) и други превозни средства (камиони 2 МАН 2007/2012). Како друг имот има пријавено две фирми: АНГЕЛ Логистик (имот на деца) и ПАСТОР ДООЕЛ (личен имот), како и други приходи (денари), сè заедно во вредност од 73.170 евра.

Вредноста на имотниот лист на Борче Гиевски изнесува 373.984 евра и истата е пресметана според податоците објавени на веб-страната на Државната комисија за спречување корупција.