Миликије Халими е родена на 04 мај, 1980 година, во село Арачиново. Средно образование завршила на Медицинско училиште „Никола Штејн” во Тетово. Дипломирала на Педагошкиот факултет, на УКИМ во Скопје, во 2006 година. Халими учествувала на многу курсеви и семинари организирани од релевантни меѓународни организации, во различни области, но посебно внимание посветила на оние каде акцентот е ставен на улогата и придонесот на жените во развојот на општеството, како на пример: „ Жените во политиката“ ; „ Насилство врз жените “ ; „Школа за активација на жената“ и други. На локалните избори во 2017 година е избрана за градоначалничка на општина Арачиново.

Податоците се преземени од Гласило – Зелс.