Аце Коцевски е роден на 07 јуни, 1961 година. По професија е дипломиран градежен инженер, насока –Организација. Од 1982 до 1983 година бил претседател на Студентска организација на УКИМ во Скопје, а од 1986 до 1988 година бил секретар на Младинската организација, на поранешна Југославија. Во мандатот 1994-1998 година бил пратеник во Собрание на Република Македонија, каде бил претседател на Комисијата за урбанизам и градежништво. Од 1999 до 2000 година бил потсекретар во Министерството за локална самоуправа, задолжен за развој на локалната самоуправа и европски интеграции и раководител на Тимот за изработка и реформа на системот на локалната самоуправа во државата. Во 2000 година бил избран за градоначалник на Општина Велес до 2005 година, а потоа граѓаните повторно му ја дале довербата за периодот 2005-2009 година, кога бил и претседател на Советот за развој на Вардарскиот плански регион, претседател на Асоцијацијата на Градови од Македонија со архитектонско наследство и член на Управниот одбор на ЗЕЛС како и претседател на Комисијата за финансирање и администрација. Во 2017 година по трет пат граѓаните му ја доверуваат градоначалничката функција во оваа општина. Во периодот од 2010 година до 2017 година основал и бил управител на Друштвото за градежништво и консултантски услуги „АФИОН“ ДООЕЛ- Велес. Коцевски е автор на Стратегијата за реформа на системот за локална самоуправа на Р.М. и на неколку други документи усвоени од Владата на РМ од оваа област. Повеќе пати престојувал на професионална едукација во странство. Бил ангажиран како консултант на многу проекти и обуки од областа на локалната самоуправа, а добил и бројни признанија и награди, меѓу кои: „Зелено јаболко“ ДЕМ во 2002 година и „Бела еко листа “ на ЕПЦ.

Податоците се преземени од Гласило – Зелс.