Судијката Кацарска од личен имот поседува стан во Скопје од 88 квадратни метри вреден 5.953.200 денари, паркинг од 332.100 денари, како и подрум од 74.160 денари. Има возило „Хјундаи тускон“ вредно 922.500 денари, додека во банка чува 3.037,23 евра и 739 денари. Отплаќа и кредит од 435.284 денари, кој треба да го отплати до 2023 година. Платата и изнесува 144.962 денари. Како „имот на деца“ пријавила две земјишта во Скопје, вредни 2.453.690 денари и возило „Хјундаи Гец“, вредно 120.000 денари.

Имотна состојба на 5.2.2021 година

Опозицијата ја прозва Кацарска дека таа веќе нема кредибилитет да суди и пресудува на македонските граѓани, повикувајќи се на сведочењето на обвинителката Лиле Стефанова, која изјави дека судијката Добрила Кацарска директно се јавувала кај поранешната шефица на Специјалното јавно обвинителство, Катица Јанева за да влијае врз истрагите. Стефанова сведочеше дека судијката Добрила Кацарска постојано била присутна додека се одлучувало околу барањето за притвор на еден од осомничените во предметот Империја и се интересирала за текот на постапката. Кацарска категорично го негираше ова. Таа јавно потврди дека е куќен пријател со Камчеви, а и дека нејзината ќерка работи во „Систина“.